श्री काळभैरवनाथ प्रसन्न

( चाल: आरती सप्रेम )

आरती ओवाळू भावें, श्री काळभैरावाला ||
दिनदयाळा भक्तवत्सला, प्रसन्न हो मजला ||
देवा, प्रसन्न हो मजला || धृ ||
धन्य तुझा अवतार जागी, या रौद्ररुपधारी |
उग्र भयंकर भव्य मुर्ति, परि भक्तांसी तारी |
काशीक्षेत्री वास तुझा, तू तिथला अधिकार |
तुझिया नामस्मरणे, पळती पिशाच्चादि भारी ||
पळती पिशाच्चादि भारी II आरती .....|| १ ||
उपासकां वरदायक होसी, ऐसी तव कीर्ती |
क्षुद्र जीव मी अपराधांना, माझ्या नच गणती |
क्षमा करावी, कृपा असावी, सदैव मजवरती |
मिलींदमाधव म्हणे देवा, घडो तुझी भक्ती ||
देवा घडो तुझी भक्ती II आरती .... || २ ||

पुण्यभूमी : श्रीक्षेत्र खामुंडी

पुण्यभूमी आहे खामुंडी हे गाव |
तेथे नांदे देव भैरवनाथ ||
तेथील ग्रामवासी बहु भाग्यवान |
उच्चारिता नाव काळभैरवाचे ||
पाठीमागे शोभे मुक्ताई, खंडोबा |
कळस शोभतो सोनियाचा ||
पुण्याई होती त्या घोरपड्यांची |
मंदिर बांधले केली तटबंदी ||
तळीमाजन खोबरे भंडार उधळती |
काळभैरावाची कृपा मजवरती ||
नित्य सेवा घडो काळभैरावाची |
कवण केले बुद्धी सारी भैरवाची ||